ودايما بيقولوا ع المرض ده انه داء الملوك لانه معتقدين ان اللحمة بس اللي بتسببه بس الحقيقي فيه اكتر من اكل بيسبب النقرس ومنها :

*اللحموم الحمرا.
* المحار.
*الكحولات.
*المشروبات السكرية اللي فيها نسبة عالية من الفركتوز.
*الفول.

وفيه بعض الادوية اللي بتسببه … زي :

مدرات البول والاسبرين … بس لو المريض بيعاني من مشاكل بالقلب والنقرص مش ح يضره لو اخد جرعات صغيرة من الاسبرين.

حمض اليوريك بيتراكم ف المفاصل بسبب زيادة نسبته عن المعدل الطبيعي او ان الكلية مش قادرة انها تتخلص منه .
______________
ايه هي اعراض النقرس ؟
ــــــــــــــــــــــــــــــــــــــ
الشعور بألم شديد وتورم في المفاصل … خصوصا في اصبع القدم الكبير وكل ده بسبب ترسب حمض اليوريك في المفاصل وممكن كمان يترسب ف الكلية ويسبب ف تكوين حصوات .
ازاي نشخص النقرس ؟
=============
عن طريق تحليل الدم او البول.
التصوير الاشعاعي ( X-ray ).
تحليل السائل المفصلي.

ازاي نتعامل مع النقرس ؟
===============
فيه بعض الادوية اللي بتعالج النقرس زي :

كولشيسين (Colchicine) (من اعراضه الجانبية انه بيسبب اسهال وقيء ودوخة) .
بريدنيسون (Prednisone).
يوريفين فوار (Urivin).
يوروسولفين فوار (Urosolvin)
وفيه مسكنات للألم النقرس :

بعض المسكنات NSAIDS زي الكتافلام (Catafalm 50mg) والاندوميثاسين (Indomethcine) ….بس المسكنات دي من اعراضها الجانبية حدوث قرحة واسهال عشان كدة لازم تستخدم لوقت قصير .

وفيه ادوية بتقلل نسبة اليوريك اسيد في الدم زي :
===========================
ادوية اللوبيورينول (Allopurinol ) واللي هي zyloric, Nouric بتركيز 100مجم و300مجم.

الجرعة : 300مجم مرة واحدة ف اليوم.

وفيه طرق تانية غير طبية للتعايش مع النقرس :

من المفضل عمل كمادات ماية ساقعة ع مكان الورم .
ولازم ان المريض يغير اسلوب حياته عن طريق انه يقلل وزنه , يقلل من الكحوليات , ويقلل من المشروبات اللي بتحتوي ع نسبة عالية من الفركتوز.
الاكثار من تناول الغذاء الصحي زي الخضروات والفواكهة وتقليل اللحوم الحمراء.
الابتعاد عن التوتر.
الاقلاع عن التدخين وشرب الكحوليات.
تناول فيتامين ج لتقليل الاعراض.
شرب كميات كافية من السوائل حوالي 6 اكواب ف اليوم.

من مضاعفات النقرس:

تكون حصوات بالكلى.
الفشل الكلوي.
الم بالمفاصل وعدم القدرة ع تحريكها.